Kryeministri polak i ka krahasuar bisedimet e Presidentit Emmanuel Macron me Presidentin Vladimir Putin me negociatat me Hitlerin, duke kritikuar përpjekjet e liderit francez për të gjetur një zgjidhje diplomatike për luftën në Ukrainë.
“President Macron, sa herë keni negociuar me Putinin? Çfarë keni arritur? Keni ndalur ndonjë nga veprimet që kanë ndodhur?” tha Mateusz Morawiecki.
“Me kriminelët nuk negociohet, kriminelët duhet të luftohen. Askush nuk negocioi me Hitlerin. Do të negocionit me Hitlerin, me Stalinin, me Pol Potin më pas?”
Polonia është frustruar nga rezistenca evropiane ndaj sanksioneve më të forta kundër Rusisë, duke përfshirë eksportet e energjisë në të cilat mbështetet pjesa më e madhe e kontinentit, dhe dëshiron një program më ambicioz për armatosjen e Ukrainës. Macron ka biseduar me Putinin të paktën 17 herë që nga Dhjetori, shkruan “The Times”.
BE-ja i ka paguar Rusisë gati 19 miliardë euro për energji që nga fillimi i luftës më 24 Shkurt, sipas Qendrës për Kërkime për Energjinë dhe Ajrin e Pastër, një institut evropian.
“Mjaft me këtë lojë të vonesës së disa liderëve evropianë, duke manovruar. Duhen sanksione të forta, ato që do të thyejnë makinën luftarake të Putinit, përndryshe do të vdesin më shumë njerëz të pafajshëm” , tha Morawiecki.
Macron bëri thirrje për një raund të ri sanksionesh dhe dukej se ishte dakord që ato duhet të synonin industrinë ruse të naftës dhe gazit, pasi tha se kishte “indikacione të qarta të krimeve të luftës” në Ukrainë.
Zelensky sulmoi liderët rusë, ndërsa liderët botërorë kërkuan hetime për krimet e luftës dhe sanksione të reja pas masakrës së civilëve në Bucha.
“Ka një përgjegjësi të përbashkët. Për këto vrasje, për këtë torturë, për shpërthimet… Kështu do të shihet tani shteti rus”, u shpreh ai.
Rusia po mobilizon rezervistë nga rajone të largëta, ka pohuar Kievi, duke sugjeruar se Putini po dyfishon përpjekjet e tij për të arritur përfitime ushtarake.
Je dhe presidenti i Polonisë dhe lufta e dytë botërore nuk të paska mësuar asgjë.U negociuar me Hitlerin.Iu dhanë dhe dy nëndetëset për t’u larguar në Argjentinë,ku themeloi një komunitet të vogël gjerman.Mëso nga historia e hidhur e luftrave.S,ka paqe pa marrëveshje.Dhe marrëveshja bëhet me Atë që e filloi luftën.Në këtë rast me Putinin.Ai e filloi, duhet negociuar me të,për t’a përfunduar luftën që nisi.Të bëhet paqja mes Rusisë dhe Ukrainës dhe pastaj bëni analizat politikomilitare dhe nxirrni përfundimet se kujt i rri karrigia në Gjykatën Ndërkombëtare të Hagës Putinit,Bushit me luftën në Irak Libi Siri Afganistan,Boll Klinton me luftrat në vendet e ka ndjes dhe bombardimin e Beogradit për 76 ditë, Amerikës me bombat në Hiroshima dhe Nagasaki Japoni kur lufta e dytë botërore kishte mbaruar.etj.Po vdes ti shikoj të gjithë kriminelët e vërtetë të krizave botërore dhe vrasësve të popujve në bankën e të akuzuarve.Thuhet në latinisht: Lege e uguale per tutti.Se e cosi alora adeso vediamo capiamo cosa suceso.