Kryeministri Edi Rama ishte sot në Vlorë i pranishëm në një aktivitet për punësimin. Ai e quajti sfidë të madhe bindjen e qytetarëve për të punuar çdo mundësi që u ofrohet, pasi sipas tij shumë e refuzojnë të punojnë në privat.
Ai ka përmendur disa raste kur qytetarë socialistë i kërkojnë punë në shtet, duke refuzuar opsionet që u janë dhënë në kompanitë private.
“Një kryetar organizate më tha kam pa punë disa anëtarë, më dha një shifër vlonjatshe 60, si organizata më e fuqishme e Bashkimit Sovjetik nga pikëpamja e numrit. I them të 60 nuk iki në Tiranë pa t’i futur në punë, por ama në privat, jo tha në privat jo. Partia domethene për shumë njerëz tanët partia s’mund t’i lërë në dorë të privatit, duhet ti fusi në shtet, në shtet hyjnë njerëz në punë për të bërë detyrat e shtetit, shteti s’është zyrë punësimi që kush rri pa punë të marri punë në shtet”, tha Rama.
Ai përmend edhe një rast tjetër kur një qytetar i kërkon t’i punësojë gruan pastruese.
“Dikush më tha dua të ma bësh gruan pastruese. Dakort që nesër në privat. ‘A, jo’, tha. Atëherë ku ndryshon fshesa e shtetit nga fshesa e privatit? Se fshesën e privatit duhet ta tundësh, të shtetit ta lësh në një cep e të pish kafe”, tha Rama.
Kryeministri tregon më tej edhe rastin e një kuksiani që refuzoi 4 opsione për punë për djalin dhe veten e tij.
“Një nga Kukësi më con mesazh ‘po vdes për bukë unë dhe familja ime’
I them që nesër në punë nëse pranon në privat, në shtet s’është puna ime.
‘Unë po vdes per buke’, tha, ‘pranoj cdo punë’.
Dje më vjen mesazhi që s’po e lexoj i drejtorit të zyrës së punës se eshte per te qeshur dhe per te qare. 4 oferta për punë zotërisë për veten dhe për djalin me 8 klase shkolle.
S’ka nevoje të paktën më fusni djalin. Kamarier, ndihmes banakier, lavazhier dhe me ngarkim shkarkim.
‘S’e kam djalin unë për ti shërbyer të tjerëve se ka plot 8 klasë’ tha, është mbi të tjerët domethënë.”, tha Rama duket shtuar se pikërisht këto situata duhet të marrin fund./a.m.
