Zgjedhjet lokale në Turqi rezultuan një disfatë për presidentin turk Rexhep Tajip Erdogan. Ai humbi 3 qytetet më të mëdha Stambollin, Ankaranë dhe Izmirin.
Qytetarët turq rikonfirmuan opozitën si forcë politike dhe forcuan pozicionin e kryebashkiakut të Stambollit, Ekrem Imamoglu si rivali kryesor të presidentit në të ardhmen.
Por kush është burri që mundi tre herë Erdoganin në katër vite?
Ekrem Imamoglu fitoi dy herë zgjedhjet lokale para katër vitesh, pasi komisioni qendror vendosi t’i përsëriste ato me argumentin se ishin manipuluar nga opozita, ndërsa fitorja e tretë ishte të dielën e 31 marsit.
Në zgjedhjet e 31 marsit Imamoglu u votua gjerësisht edhe nga qytetarët të lidhur ngushtë me fenë isalme, gjë që përbën një surprizë për Erdoganin. Kryetari i sapozgjedhur i Stambollit Ekrem Imamoglu është shfaqur si sfiduesi kryesor i mbretërimit të presidentit turk Tajip Erdogan.
Por në një farë mënyre, ai po ndjek gjurmët e liderit turk që drejtoi qytetin në vitet 1990. Përveç që kanë udhëhequr qytetin më të madh të vendit, të dy kanë rrënjë familjare në rajonin lindor të Detit të Zi. Në rininë e tyre, të dy ishin gjithashtu futbollistë. Pas arritjes së fitores në zgjedhjet për kryetar bashkie të së dielës, Imamoglu, 53 vjeç, është tani një president i mundshëm i ardhshëm sipas këndvështrimit të shumë analistëve.
“Votuesit i dërguan një mesazh direkt Erdoganit”, tha Imamoglu pas zgjedhjeve.
Imamoglu është përballur me probleme gjyqësore
Pas fitores së tij në 2019, një gjyqtar e dënoi atë me burg, duke vendosur një ndalim politik për fyerje të zyrtarëve publikë. Gjykata e Apelit ende nuk ka vendosur për rastin. Dënimi i bëri jehonë përvojës së Erdoganit, i cili u burgos për pak kohë në 1999 për recitimin e një poezie që një gjykatë vendosi se ishte një nxitje e urrejtjes fetare.
Vitin e kaluar, një gjykatë tjetër hapi një çështje kundër Imamoglu me një akuzë për manipulim tenderash që parashikon një dënim nga 3-7 vjet. Kritikët e Erdoganit i shohin rastet si një përpjekje për të penguar politikisht Imamoglun. Erdogan dhe AKP e tij e mohojnë këtë.
Ekrem Imamoglu studioi në Universitetin e Stambollit dhe u diplomua për administrim biznesi në vitin 1994, vitin kur Erdogan u bë kryetar bashkie, përpara se të merrej me biznesin e ndërtimit të familjes së tij. Ai është i martuar dhe ka tre fëmijë.
Pas rezultateve të zgjedhjeve kryebashkiaku i Stambollit i cili mori nje tjeter mandat Ekrem Imamoglu u shpreh se rezultati i zgjedhjeve lokale ishte nje mesazh i qarte per regjimet autoritare.
“Rezultatet e zgjedhjeve te Stambollit janë një mesazh shume i rëndësishëm për botën. Për këtë botë për fat të keq ku demokracitë po dobsohen dhe dobsimi i tyre vjen me fuqizimin e regjimeve autoritare. 31 Marsi 2024 është dita kur erozioni demokratik ne Turqi perfundoi dhe demokracia po ngrihet sërish”, tha Imamoglu.
Sipas analistëve arsyeja pse Erdogani dhe partia e tij që kanë qeverisur Turqinë për dekada dolën më keq në zgjedhje nga sa parashikonin sondazhet lidhet me se shumti me rritjen e inflacionit.Nderkohe 53-vjecari Imamoglu tani shihet si një sfidues i mundshëm i Erdogan në zgjedhjet e ardhshme presidenciale.
/a.r
