Protesta e zgjatur e Partisë Demokratike, refuzimi për të votuar Vettingun dhe bojkoti i zgjedhjeve parlamentare ka pasur prej kohësh edhe kundërshtarë të fortë brenda partisë më të madhe opozitare. Pas një heshtjeje të gjatë, më në fund kundërshtarët e kësaj linje të cilët janë përfolur prej kohësh, tashmë i kanë dhënë fund heshtjes.
Majlinda Bregu ishte e para që theu akullin, e më pas, vijuan Topalli dhe Selami i cili dha një deklaratë mjaft të fortë, teksa akuzoi Bashën se po përdor çadrën për bojkotin e zgjedhjve.
Përmes një editoriali të gjatë në rrjetet sociale, Bregu e cila njihet si një prej kundërshtareve të linjës së ndjekur nga Basha, ka kritikuar ashpër vendimin për bojkotimin e zgjedhjeve. Madje, ajo ka nxjerrë zbuluar kryetarin e Partisë Demokratike Basha, teksa zbulon se vendimi për bojkot nuk është konsultuar në Grupin Parlamentar. Po, ashtu, Bregu konfirmon se forumet e partisë nuk u pyetën fare për refuzimin e paketës së zgjidhjes së krizës që propozuan ndërmjetësit e Parlamentit Evropian, njëri prej tyre zyrtar i lartë i Partive Popullore Evropiane ku aderon edhe PD, David McAllister.
“Vendimi për të mos u futur në zgjedhje u mor pa lejuar asnjë debat real. Edhe vendimi për ta refuzuar paketën e kompromisit që propozuan miqtë tanë të Partive Popullore Evropiane, u mor pa u konsultuar me askënd”, shkruante mes të tjerash Bregu në editorial.
Po ashtu, bregu i kujton Bashës edhe mesazhin e miqeve të tyre evropianë të PPE: “Na vjen keq po mesa duket nuk ju ndihmojmë dot më, sepse ju nuk doni të ndihmoni veten!” citonte ajo zyrtarët e PPE.
Dhe në fund Bregu e mbyll editorialin duke i kujtuar Bashës dëshirën e miqve evropiane: Atë të hyrjes në zgjedhje.
Dhe, vetëm pak minuta më vonë, në të njëjtën ditë, ka ardhur edhe reagimi i Topallit për protestës dhe bojkotin, edhe pse, jo kaq e drejtëpërdrejtë sa Bregu. Topalli, ka deklaruar se ka kërkuar mbeldhjen e grupit parlamentar për të diskutuar vendimet ekstreme të opozitës, por prej 3 javësh nuk ka asnjë përgjigje. Po prej kaq kohësh Topalli ka munguar edhe në takimet e grupit parlamentar te çadra e protestës.
Deputeti tjetër ritik i Bashës, Eduard Selami, ka shkuar edhe më tej me deklaratat e tij. Ai ka thënë se Basha “E përdori çadrën për të anashkaluar institucionet. Mospjesëmarrja në zgjedhje e dëmshme për PD-në dhe vendin”, u shpreh Selami. Ky mesazh i tij u dha në nj♪7 intervistë për Zërin e Amerikës.
Po ashtu Selami e ka quajtur të paprecedentë retorikën e Bashës. Tashmë, heshtjes duket se i ka ardhur fundi, kur edhe koha drejt daljes nga kjo situatë po merr fund dhe zgjedhjet po afrojnë. Dhe bashkë me përfundimin e kohës, zërat kundër Bashës në PD kanë nisur të dlain hapur./JavaNews/a.m.
Bregu reagon ashpër ndaj Bashës: Boll! Duhet hyrë në zgjedhje. PPE-ja ka hequr dorë nga ti!
AKUZA/ Selami: Basha e përdori çadrën për të bojkotuar Parlamentin, retorika e tij e paprecedentë
