Ka nisur tubimi i qytetarëve para godinës së Kryeministrisë, pas marshimit të protestuesve nga Sheshi Skënderbej drejt bulevardit kryesor të Tiranës.
Gjatë mbërritjes para Kryeministrisë, protestuesit kanë hedhur thirrje kundër klasës politike, duke kërkuar ndryshime dhe duke përsëritur sloganin: “Ju erdhi fundi!”.
Protesta vijon në kuadër të tubimeve të përditshme, ku qytetarët kërkojnë dorëheqjen e kryeministrit Edi Rama dhe ndryshime në drejtimin e vendit.
Në zonën përreth Kryeministrisë janë vendosur forca policie për garantimin e rendit dhe sigurisë gjatë zhvillimit të protestës.
