Demokratët kanë arritur nëj fitore të bujshme në Alabama, një bastion historik i Republikanëve. Në zgjedhjet e pjessshme të zhvilluara, kandidati i Dmeokratëve Doug Jones fiton me një rezultat tepër të ngushtë, 49.6 %, aq sa i mjafton të bëhet senator. Ai fitoi përballë njeriut aq shumë të përfolur për skandalë të shumta seksuale Roy Moore i cili mori 48.8 % të votave. Humbja e tij ëhstë humbje e vetë presidentit Trump i cili e mëbshteste fuqishëm ish-senatorin.
Por, kjo humbje shton problemet për Trump, i cili humbet shumicën e nevojshme në senat për miratimin e nismave të tij. Edhe pse republikanët kanë sërish shumicën, tashmë Trump do të duhet të kërkojë votëbsimin edhe nga senatorët kritikë ndaj tij si John McCain ose Bob Corker.
Kjo është fitorja e parë e një demokrati në një çerek shekulli në Alabama, një shtet tradicionalisht mjaft konservator. Ajo shënon një goditje ndaj presidentit Donald Trump, i cili mbështeti hapur kandidatin republikan, megjithë akuzat ndaj zotit Moore. Rezultati i garës shënon gjithashtu një plagë të re për Partinë Republikane tashmë të përçarë.
Republikani Moore nuk u tregua i gatshëm për ta pranuar rezultatin. Fushata e tij tha se meqenëse rezultati ishte mjaft i ngushtë, me 0,5 për qind diferencë, ose rreth 21 mijë vota, ata do të veprojnë sipas rregullave dhe do të kërkojnë rinumërimin e votave. Por sekretari i shtetit i Alabamës i tha rrjetit CNN se nuk ka gjasa që rezultati të përmbyset edhe nëse do të ketë rinumërim.
Presidenti Trump bëri një koment në Twitter, duke uruar fituesin demokrat Doug Jones. “Republikanët, – shkruante Presidenti Trump, – do të kenë një rast tjetër për ta marrë këtë vend të Senatit brenda një periudhe të shkurtër kohe.”
Fitorja e Jones, e ngushton epërsinë e republikanëve në Senat në 51 vende kundrejt 49.
