WhatsApp, aplikacioni të cilin Facebook e bleu për 19 miliardë dollarë, përdoret nga më shumë se 900 milionë njerëz në mbarë botën dhe është bërë njëra ndër mënyrat më të mira për tu lidhur me njerëzit në vende të ndryshme, ose për të zhvilluar biseda në grup. Ndryshe nga mesazhet, aplikacioni WhatsApp përdorë internetin për të funksionuar, që do të thotë se dërgimi i mesazheve, është krejtësisht falas. Përderisa ky aplikacion është shumë i thjeshtë, ka edhe elemente të cilat përdoruesit ende nuk i kanë zbuluar. Këto janë disa karakteristika të “fshehura” të Whatspp, të cilat gjithsecili duhet t’i dijë e t’i përdorë.
Mund ta shihni sa mesazhe ju dhe miqtë tuaj keni shkëmbyer
Për të gjetur numrin e saktë të mesazheve që keni marrë e keni dërguar me miqtë në WhatsApp, duhet të shkoni: Settings-Account,Network Usage.
Mund t’i ndaloni lajmërimet nga bisedat në grup
Klikoni në bisedën e grupit, shkoni dhe selektoni opsionin “Mute” dhe do t’ju prezantohet opsionet kohore për të “shuar” bisedën.
Mund ta fshihni opsionin “last seen”
Fshehja e opsionit “last seen”, mund të jetë shumë e përdorshme nëse nuk doni që njerëzit ta dinë herën e fundit që ju keni hyrë në WatsApp. Veproni kështu: Settings – Account – Privacy – Last Seen.
Mund ta ndryshoni numrin e telefonit me të cilin e keni llogarinë
Për ta ndryshuar numrin e telefonit me të cilin e përdorni aplikacionin WhatsApp, veproni kështu Settings – Account – Change Number dhe më pas ju ofrohet platforma për ndryshimin e numrit./a.m.
