Rreth 4 mijë emigrante siriane dhe nga vendet afrikane po përjetojnë temperaturat e ulëta të dimrit serb në kufirin me Hungarinë dhe Kroacinë.
Emigrantët janë bllokuar në kufijtë e Serbisë, pasi këto shtete mbyllën kufijtë e tyre në mars 2016 për të frenuar rrjedhën e azilkërkuesve drejt BE.
Shumë emigrantë përpiqen të kalojnë kufijtë ilegalisht me ndihmën e kontrabandistëve. Në këtë situatë kur dimri i acartë rrezikon jetën e mijëra emigranteve në kufijtë serb ministrat e Brendshëm të BE-së nuk kanë gjetur gjuhën e përbashkët për ndarjen e 120 mijë emigrantëve.
Gjermania i ka sugjeruar Bashkimit Europian të vendosë nën presionin financiar shtetet anëtarë që nuk pranojnë kuotat e emigrantëve. Polonia, Hungaria, Republika Çeke dhe Sllovakia i kanë refuzuar kuotat e detyrueshme të BE-së për emigrantët, e për këtë Komisioni Europian i ka marrë mbështetje nga Gjykata Europiane e Drejtësisë.
Krahas Serbisë emigrantet kryesisht nga Siria, Iraku dhe Afrika kanë mbipopulluar Greqinë, Italinë dhe Spanjën.
a.ç
