Bashkia e Selenicës është njësia e vetme në Qarkun e Vlorës për të cilën Partia Socialiste ende nuk e ka përcaktuar kandidatin që do të kërkojë fitoren në 30 Qershor.
Burime nga Partia Socialiste sqarojnë se tanimë diskutimet janë përqëndruar tek tre emra. Ata janë deputeti aktual i zonës Vullnet Sinaj, Simbol Pazaj dhe Pëllumb Binaj.
Bashkia e Selenicës ka qenë një bastion i majtë por aktualisht drejtohet nga demokratët për shkak të përçarjes së të majtëve në zgjedhjet e vitit 2015.
Kjo duket se ka qenë arsyeja përse Kryesia e Partisë Socialiste ka kërkuar me ngulm kandidimin e deputetit Vullnet Sinaj si një figurë me mbështetje të madhe në këtë zonë dhe që unifikon të majtën duke shmangur çdo surprizë.
Orët në vazhdim pritet të përcaktojnë nëse socialistët do garojnë me Sinajn apo njërin prej dy kandidaturave të tjera.
/a.rada
