Kisha ortodokse serbe e Shën Savës në Nju Jork, të dielën, është djegur nga një zjarr i madh, për shuarjen e të cilës morën pjesë plot 170 zjarrfikës, deklaruan zyrtarët e shërbimit për agjencinë BETA.
Zjarri në Kishën e Shën Savës, në qendër të Manhattan-it, shpërtheu në pasditen e vonë në ditën e Pashkëve Ortodokse. Zjarri disa metra i gjatë që doli jashtë ndërtesës, u pa falë pamjeve televizive lokale në Shtetet e Bashkuara.
Një nga zjarrfikësit në Nju Jork, tha për agjencinë e lajmeve AFP se një person u plagos lehtë.
Kisha ishte bosh, kur shpërtheu zjarri dhe u përhap shpejt dhe përfshiu të gjithë ndërtesën në 25 Street West në Manhattan, raporton Radio Televizioni i Serbisë (RTS).
Prifti përgjegjës Djokan Majstoroviç i tha RTS-së se zjarri shpërtheu rreth orës 17.00 të së dielës apo rreth orës 2300 të Evropës Qendrore.
Zjarrfikësit thanë se u shemb një pjesë e kulmit dhe struktura e ndërtimit është e paqëndrueshme. Hetimi për zjarrin është duke u zhvilluar, por policia e përjashtoi mundësinë e një akti terrorist, sipas RTS.
Kisha në stilin gotik është ndërtuar në vitin 1850 dhe është në pronësi të Kishës Ortodokse Serbe prej vitit 1943. (b.an)
