Publikimi i një video-skandali në Austri ndryshoi të gjithë rrjedhën e politikës.
Ishte fillimisht zv.kancelari, Heinz Christian Strache protagonisti i videos që dha dorëheqjen, pasi në inçizime shihet duke i ofruar kontrata qeveritare një gruaje që paraqitej si një investitore nga Rusia dhe prezantohet si mbesa e një biznesmeni të njohur rus.
Pas kësaj dha menjëherë dorëheqjen kancelari Sebastian Kurz dhe vendi shkoi në zgjedhje të parakohshme.
Mirëpo gazeta e njohur “Die Presse” i ka kushtuar një artikull këtij fenomeni.
“Si një video skandal jo gjithmonë të mbyll karrierën politike”, nis kështu artikulli, dhe në këtë rast është marrë rasti i videos Meta-Prifti.
“Një kamera kapi zëvendëskryeministrin duke bërë marrëveshjet të korruptuara.
Regjistrimet u dërguan në media, por nuk u pranuan si dëshmi”, shkruan “Die Presse”.
“Meta, i cili fillimisht kishte dhënë dorëheqjen nga posti i tij pasi video u bë publike, u shpall i pafajshëm më pas nga gjykata.
Si një financues i domosdoshëm i shumicës – në mënyrë alternative për dy partitë kryesore kundërshtare në vend, ai u kthye në faktor kyç.
U bë kryetar i parlamentit dhe për më shumë se dy vjet ai është tani president i Shqipërisë.
Video doli në dritë në fillim të vitit 2011. Në klimën politike të tensionuar të shqiptarëve, video menjëherë ngjalli zemërimin e masave.
Kur demonstruesit e zemëruar të opozitës së atëhershme socialiste u përpoqën të sulmonin ndërtesën e qeverisë, katër protestues u qëlluan për vdekje.
Meta i mbijetoi stuhisë politike dhe ligjore pas tërheqjes së tij strategjike.
Mirëpo, socialistët në vitin 2013, kishin nevojë për një partner koalicioni.
Shefi i saj Edi Rama iu drejtua Metës dhe partisë së tij LSI.
Aleanca vazhdoi dhe Meta përparoi duke u zgjedhur në numrin një në shtet”, përfundon artikulli.
