Ministri për Evropën dhe Punët e Jashtme Ferit Hoxha në një panel të veçantë me titull “Diaspora mbarëshqiptare: A po bëjmë çfarë duhet bashkarisht?”, që po zhvillohet në kuadër të Samitit të IV të Diasporës, ka theksuar rëndësinë e një koordinimi të përbashkët mes institucioneve të Shqipërisë, Kosovës, e Maqedonisë së Veriut.
“Në Bruksel, në Britaninë e Madhe, në Australi… Diaspora është 1”, tha ministri Hoxha.
Ai shtoi: “Nëse ne nuk kemi një qasje të përbashkët, ne nuk do të shkojmë asgjëkundi prandaj duhet të kemi një koordimin më të mirë me institucionet.”, tha ai, duke e konsideruar këtë “Alfën” e një ndërveprimi të mirë.
Sipas tij, duke pasur një qasje sa më të qartë dhe sa më të harmonizuar është shumë më e thjeshtë për ta bërë të mundur zhvillimin.
“Ndërveprimi ynë kulturor në kryeqytete duhet të jetë sa më i harmonizuar. Kemi gjithçka të përbashkët dhe asgjë të ndarë”, shtoi ministri.
Si do ta ndërtojmë këtë veprim? Hoxha theksoi se nuk mund të vazhdojmë të jemi të fragmentarizuar. Sipas tij Shqipëria i ka testuar të gjitha format e mundshme, ministrinë e veçantë për Diasporën, ministrinë siç është sot, agjencitë e ndryshme. Por sipas tij nuk duhen fragmentarizomë.
“Vetëm kështu mund të shkojmë drejt asaj që duam që të jetë me ndikim në diasporën tonë dhe vendet tona.”, e përfundoi ministri fjalën e tij.
