Teksa kandidati për deputet i PD Bardh Spahia i kërkon votën një qytetari, ky i kthehet me fjalët se Topalli është e pazëvendësueshme në PD dhe se i gjithë kontributi i saj për Shkodrën është hedhur poshtë.
Në fakt, lënia jashtë listave të disa figurave të rëndësishme në PD nga ana e Lulzim Bashës ka shkaktuar pakënaqësi jo vetëm në radhët e demokratëve, por edhe tek qytetarët e ne këtë rast dhe tek tregtarët. Rasti si në video është më i fundit i regjistruar në Shkodër, ku gjatë një takimi të kandidatëve me qytetarë në Shkodër vihet në dukje lënia jashtë liste e Jozefina Topallit.
Më poshtë biseda e plotë:
Tregtari: Je djali i mirë boll, je djali i kuj je, por Jozefina është njësh, nuk mund të zëvendësohet.
Spahiu: Atë mendojmë, krejt e respektueshme.
Tregtari: Nuk mundet me e zëvendësuar kush, kush e zëvendëson? Po të tëra këto që janë bërë, të tëra këto rrugica dhe rrugë, po Jozefina t’i ka kthyer këto. Mos me pa kenë Jozefina, kishim qenë duke u mbyt lopa në asfalt.
Spahiu: Ashtu e mendojmë dhe ne…
Tregtari: Më falni është personal krejt, unë e kam mbrojt gjithmonë, se e kam mbrojt si shkodrane që ka dhënë për Shkodrën.
Spahiu: Por sigurisht, këtë e them në përgjithësi, jo për Jozefinën apo për Bardhin. Në përgjithësi them, mos me një vend vetëm me një a dy persona.
