Leonardo Di Caprio ka qenë sot në Vatikan, ku është takuar me Papa Françeskun, të cilit i ka dhuruar edhe një çek nga fondacioni i tij me qëllim që ta përdorë për bamirësi.
“Shenjtëria juaj, të falënderoj që më prite”, tha në gjuhën italiane Di Caprio, ndërsa i dhuroi Atit të Shenjtë një libër me punët e artistit gjerman të shekullit XV, Hieronymus Bosch.
Di Caprio, i nominuar me çmimin Oscar si aktori më i mirë për rolin e tij në filmin e fundit “The Revenant”, prej vitesh është mbështetës i fushatave në mbrojtje të mjedisit.
