Nga Mentor Kikia
Unë nuk dua të komentoj vendimet e gjykatave, pasi nuk mendoj se ato janë të drejta kur më intereson mua, dhe të padrejta kur nuk më intereson. Por vendimi i sotëm i Gjykatës së Apelit të Tiranës më duket absurd. Presidenti i klubit të futbollit Kastrioti(nuk e di pse shumica e këtyre presidentëve të fundollit më duken horra) Alban Vogli, la qelinë.
Ai ishte në burg prej 40 ditësh, sepse kishte rrahur, me pasojë plagosje të rëndë, dhe kishte tentuar ta merrte peng, një gazetar sportiv pse i publikoi filmimet kur ai vetë kishte hyrë në fushën e futbollit dhe qëllonte lojtarët e arbitrat.
Cfarë rrethanash kanë ndryshuar që ai të dalë nga burgu? Mos vallë duhej ti kishte marrë shpirtin gazetarit që të qëndronte në burg? Përse në burg vazhdojnë të qëndojnë njerëz që nuk kanë paguar energjinë, e ky jo? Përse në burg qëndrojnë njerëz edhe të moshuar e të sëmurë, duke dhënë shpirt, e ky jo?
Korrupsioni nuk është virus, as lëndë helmuese luftarake që përhapet në ajër. Ai është konkret, ka emer. Dhe KLD mund ta verifikojë pse gjykatësi e liroi sot këtë njeri.
