Është dënuar me 16 vite burg marokeni 31-vjeçar Abdel Wahaad Hoshush dhe 10 vite burg bashkëpunëtori i tij, Bouch Bouchta Chari, për vrasjen e të riut shqiptar Atiljo Ndrecaj.
Krimi i rëndë ndodhi në korrik 2021. Gjithashtu dy të dënuarit duhet të paguajnë edhe një dëmshpërblim prej 60 mijë euro.
23-vjeçari shqiptar është dhunuar me një shkop bejsbolli dhe i thyen kafkën. Dyshohet se ai u dhunua për prishje të pazareve të drogës.
Bouch Bouchta Chari u arrestua 6 ditë pas krimit në një tren në provincën e Varese. 35-vjeçari ka deklaruar se ishte i pranishëm në Piazzale della Favorita mbrëmjen e vrasjes së Atiljo Ndrecaj, por se nuk ishte ai që dhunoi për vdekje të riun shqiptar.
“Unë kam qenë i pranishëm në faktin atë natë, por nuk isha unë që vrava”, duke shtuar se i pari që sulmoi ishte 23-vjeçari dhe shoku i tij e dhunoi me shkop bejsbolli për tu vetëmbrojtur.
Nga ana tjetër, Hoshush, i cili gjithashtu u arratis, ishte gjurmuar në janar 2022 në Algeciras të Spanjës pranë ngushticës së Gjibraltarit dhe u arrestua.
Dy marokenët e akuzuan edhe për vrasje të mbetur në tentativë ndaj Francesco Ferrarit, 36 vjeç, nga San Giorgio Bigarello, i cili perfundoi në gjendje të rëndë në spital, pasi u dhunua së bashku me të riun shqiptar.
/s.f
