Gjykata jep vendimin për 23 personat e ndaluar pas protestës së dhunshme në Rrugën e Kombit.
Në vendimin që u dha live në medi, gjykata ka vendosur detyrim paraqitje për Ahmet Tobli, Lulzim Popa, Saimir Trota, Lefter Rexhmatin, Adem Durakun dhe Armand Ademin, Ardit Alidini, Zenel Matmuja, Fatos Harulla, Rasim Koloshi.
Arrest shtëpie është vendosur për Shaban Selmanin dhe Shemsi Trotën.
Arrestim me burg për Xhevahir Herenin, Elton Cenkun, Florin Onuzin, Shkëlqim Vata, Xhevahir Gashi dhe Elvis Oruçi, Rasim Onuzi, Abdi Haziraj dhe Vasil Laçi.
Pasi gjyqtarja përfundoi leximin e vendimit në sallë janë dëgjuar të thërrasin “Turp! Turp!”.
Policia mori masa të jashtëzakonshme për mbarëvajtjen normale të seancës, duke angazhuar gati 1 mijë efektivë.
Ndërkohë, pati edhe tensione mes disa deputetëve të Partisë Demokratike dhe forcave të policisë, të cilat fillimisht nuk i lejuan të futen në sallën e gjyqit. Deputeti i PD, Flamur Noka kapi për fyti një polic.
Edmond Spaho u shfaq i gjakosur teksa foli për mediat. “Do të përplasen me qytetarët, do të përplasen me ne. Forcat e policisë ushtruan dhunë. Me dhunë Edi Rama nuk do ta ketë të gjatë”, tha Sapho.
Ai telefonoi edhe ministrin e Brendshëm Xhafaj, duke i kërkuar largimin e policisë, e cila më pas lejoi deputetët e PD të futen në sallën e gjyqit, e cila u zhvillua pa praninë e medias.
Në anën tjetër të Lanës, nuk mungoi edhe grumbullimi i qytetarëve në mbështetje të të arrestuarve. Ata kërkuan lirimin e tyre, duke thirrur me megafon: “Lironi djemtë tanë! Rama ik! Arrestoni qeveritarët”.
Vendimet
1-Ahmet Tobli detyrim paraqitje
2-Lulëzim Popa detyrim paraqitje
3-Sajmir Trota detyrim paraqitje
4-Lefter Rexhmati detyrim paraqitje
5-Adem Duraku detyrim paraqitje
6-Armand Ademi detyrim paraqitje
7-Ardit Alidini detyrim paraqitje
8-Zenel Matmuja detyrim paraqitje
9-Fatos Harulla detyrim paraqitje
10-Rasim Koloshi detyrim paraqitje
11-Shaban Selmanaj arrest shtëpie
12-Shemsi Trota arrest shtëpie
13-Shpëtim Toda arrest në burg me afat 20 ditë
14-Xhevahir Hereni arrest në burg
15-Elton Cengu arrest në burg
16-Florin Onuzi arerst në burg
17-Shkëlqim Vata arrest në burg
18-Xhevahir Gashi arrest në burg
19-Ervis Ruçi arrest në burg
20-Rasim Onuzi arrest në burg
21-Vasil Laçi arrest në burg
22-Abdi Haziri arrest në burg
23-Edmond Matmuja arrest në burg
a.ç
