Biznesmeni i njohur Italian, Flavio Briatore, deklaroi se do vinte për pushime në Shqiëri ku shërbimet janë të shkëlqyera, deti njësoj si në jug të Italisë dhe mikpritja e jashtëzakonshme.
I ftuar në emisionin ‘Zona Bianca’ në Rete4, biznesmeni 73-vjeçar i njohur për jetën e pushimet luksoze pohoi se e njeh shumë mirë Shqipërinë dhe se nuk do kishte asnjë problem të vinte të pushonte në bregdetin shqiptar.
“Pushimet në plazh në Shqipëri, deti atje është i njëjtë me atë që kemi në Puglia, Sicilia, Calabria, nuk ndryshon shumë.
Për fat të keq në Itali ka pasur rritje të mëdha çmimesh. Unë do shkoja pa asnjë problem t’i bëja pushimet në Shqipëri.
Atje ka një det shumë të bukur. Shqipëria është pak a shumë si Italia 10-20 vite më parë, Rimini, Riçione, mikpritje e jashtëzakonshme.
