Pas dy javësh i shpallur i zhdukur nga familjarët, 57-vjeçari Shefo Duraj nga fshati Kalenjë i Mallakastrës u gjet dy ditë më parë i vdekur në pyllin e fshatit.
Trupi i teknologut të naftës në uzinën e Ballshit ishte dekompozuar dhe nga kqyrja paraprake polcia bëri me dije se bëhej fjalë për një vdekje aksdientale.
Fillimisht u mendua se 57-vjeçari ishte rrëzuar dhe kishte përplasur kokën, por ekspertiza zbuloi vrasjen makabër.
Verifikimet vërtetuan se 57-vjeçari ishte qëlluar me mjete të forta në kokë, e më pas ishte goditur me th ikë. Po ashtu, autorët e krimit brutal kishin tentuar djegien e trupit. Në trupin e viktimës u konstatuan djegie të shkallës së tretë.
Mbetet ende mister motivi i këtij krimi të rëndë.
Burime të rezervuara nga policia e Mallastrës dhe Fierit bëjnë me dije për Java Neës se kanë disa të dyshuar për ngjarjen dhe kanë siguruar prova që mund të çojnë në zbardhjen e krimit, por tregohen mjaft të rezervuar për shkak të hetimeve.
Për momentin pista e konflikteve në punë apo me bashkëfshatarët përjashtohet nga policia, pas marrjes në pyetje të kolegëve të Durajt dhe familjarëve.
Policia po i shtrin hetimet shumë vite më parë për të hetuar ndonjë kofnlikt të mundshëm të të afërmve të tij.
Për momentin kjo ngjarje cilësohet mjaft misterioze, pasi Duraj cilësohej një person mjaft korrekt dhe i respektuar në zonë. Edhe për këtë arsye grupi hetimor po verifikon ndonjë konflikt të mundshëm të të afërmve të viktimës./Java/a.m.
