Detaje të reja mësohen në lidhje me plagosjen në një atentat me tritol të Preng Gjinit. “Balkanweb” bën me dije se Preng Gjini është 51-vjeç, ndërsa dyshohet të jetë vrasësi i Kastriot Reçit.
Në lidhje me vrasjen e Reçit ai madje është shoqëruar në komisariat, por policia nuk gjeti prova dhe e la të lirë.
Kastriot Reçi, një emër i njohur në Mirditë u ekzekutua me armë zjarri më 7 janar 2020 përpara lokalit të tij në qendër të Rreshenit, duke rihapur një plagë të vjetër të hakmarrjes në Mirditë.
Emri i tij lakohej për trafik droge, ndërsa ishte edhe pronar i një televizoni me seli në Lezhe “Media Plus” dhe një bar-kafe në Rrëshen me emrin “Mirdita”.
