Apeli i Krimeve të Rënda shtyn dhe me dy javë seancën për Klement Balilin. Shkak u bë kërkesa e avokatit Sokol Hazizaj i cili kërkoi kohë të njihet me aktet. Më herët, në shkallën e parë Balili u përfaqësua nga avokati Theodhori sollaku.
Balili u dënua me 15 vite burg për 4 akuza por me gjykim të shkurtuar dënimi ulet në 10 vite burg. Për të prokuroria kërkoi 18 vite burgim.
Klement Balili akuzohet për “Trafikim të lëndëve narkotike në bashkëpunim, “pjesëmarrje në grupin e strukturuar kriminal”, “Refuzim për deklarim, mosdeklarim, fshehje ose deklarim i rremë i pasurive”, si dhe për “Pastrim parash”.
Balili u vetëdorëzua mëngjesin e 15 janarit në policinë e Tiranës, pas 2 vitesh arrati. Sipas prokurorisë, Balili dyshohet se ka qenë një nga financuesit, ndërsa autoritetet greke nxorrën përfshirjen e tij në trafikimin e një sasie prej 700 kilogramësh kanabis sativa nga Saranda drejt ishullit Zakinthos në Greqi.
g.kosovari
