Drejtori i Milanit, Zvonimir Boban, ka folur në lidhje me ndryshimet në pankinën e “Djallit”. Ai ka theksuar se po punojnë ta kthejnë skuadrën në majë sërish.
“Po punoj që ta rikthej Milanin e madh sërish, por duhet kohë. Nuk kam shkop magjik”. Zyrtari i kuqezinjëve foli dhe me ndryshimet në pankinën e trajnerit të ekipit italian.
“Pioli ishte zgjidhja më e mirë në treg dhe nuk kishte zgjidhje të dytë. Spalleti është trajner i madh, por kjo nuk do të thotë se Pioli është mbrapa. Ka ide të mira për futbollin dhe do të ndihmojë në këtë ndryshim situate. Ai ka eksperiencë dhe do të kthejë skuadrën në rrugën e duhur”.
Nuk mund të mbetej jashtë kësaj interviste dhe shkarkimi i Giampaolos. “Ai nuk eci mirë dhe na zhgënjeu të gjithëve. Ne u ndamë në mënyrën e duhur, ndodhin gjëra të tilla në futboll. Nuk e kam kushtëzuar atë të luante me lojtarët që doja unë, nuk ekziston diçka e tillë, pasi kam lexuar shumë gjëra të tilla”, – tha Boban.
Drejtori ka kundërsulmuar të gjithë ata që kanë deklaruar se ai dhe Maldini i fshihen përgjegjësive. “Futbolli është i ashpër, por unë dhe Maldini nuk i jemi shmangur kurrë përgjegjësive, Ne po përpiqemi të bëjmë një punë të mirë, nëse nuk e bëjmë dikush që do të jetë më i mirë do vijë”, – tha ai. / teleport
g.kosovari
