Rudina Hajdari kryetarja e Grupit të Demokratëve në Parlament ka kërkuar nga qeveria shqiptare që marrë në dorë përfundimet e Këshillit Euripian dhe të reflekojmë mbi to seriozisht.
Pas refuzimit të BE-së për të hapur negociatat, Hajdari thekson se qeveria duhet të hartojë një plan masash për të gjitha shqetësimet që janë ngritur nga Bashkimi Europian.
Ajo komenton dhe dorëheqjen Zoran Zaev të cilën e cilëson si një çështje përgjegjësie morali politik. Ndërkohë që ndryshe nga opozita jashtë parlamentit që kërkon dorëheqjen e kryeministri Rama Hajdari nuk shprehet në reagimin e saj.
“Sot Zoran Zaev njoftoi dorëheqjen nga posti i Kryeministrit të Maqedonisë së Veriut. Kjo është çeshtje morali politik dhe përgjegjësie e lartë institucionale. Po këtu tek ne a ka moral politik dhe përgjegjësi institucionale minimale?
Sot është e rëndësishme që Qeveria Shqiptare, Kuvendi i Shqipërisë dhe institucionet e tjera kushtetuese dhe të krijuara me ligj, të marrin në dorë përfundimet e Këshillit Europian, të reflektojnë seriozisht mbi çfarë përmban ky dokument. Çdo fjali e këtij dokumenti është një udhëzues i mirë për politikat e ardhshme, prandaj i kërkoj qeverisë shqiptare të marrin masat e menjëhershëm që të hartojë një plan të detajuar masash, për të gjitha pikat e këtij dokumenti, duke përfshire shqetësimet e secilit prej vendeve anëtare që kanë qenë kundër hapjes se negociatave të Bashkimit Europian me Shqipërinë”, thekson Hajdari.
g.kosovari
