“Baba donte me më martu edhe më thoshte që nusen do e ndajmë bashkë, e donte për vete”. Kështu është shprehur përpara grupit hetimor 28-vjeçari Selman Aliaj i cili mëngjesin e sotëm masakroi me çekiç të atin 74-vjeçar, Fejzi Aliaj.
Shkaku i konfliktit që solli tragjedinë dyshohet të ketë qenë për çështje morali. I riu do martohej në datën 14 janar dhe familja kishte nisur përgatitjet për dasmën. Ndërsa babai i tij kishte ftuar fisin dhe miqtë në dasmën e djalit të vogël.
Një sherr mëngjesin e kësaj të diele mes babë e bir solli tragjedinë në familjen Aliaj në Shkozë të Tiranës. Sipas asaj që ka dëshmuar 28-vjeçari, ai ka pasur konflikte të vazhdueshme me të atin për dasmën dhe bashkëshorten e tij të ardhshme.
