Janë zbardhur4 detajet e para nga dëshmia e 21 vjeçarit që vrau babanë në Kamëz dhe plagosi të ëmën.
Para uniformave blu, Metallari ka shprehur pendëse ndërsa tha se ngjarja ndodhi pas një sherri që lidhej me një mur betoni.
Sipas tij, familja po bëhej gati për martesën e motrës e cila ishte planifikuar pas 3 javësh.
“Më kërkoi të ndërtoja një bordurë betoni. Unë e kundërshtova. Debatuam, rrëmbeva armën dhe e qëllova. Plumbat prekën nënë, ndërhyri për të na ndarë. Shkatërrova jetën e motrës, do martohej pas tre javësh”, tha 21-vjeçari në dëshminë e tij.
***
Zbulohet shkaku i konfliktit që shkaktoi krimin e rende brenda familjes ne Bathore, ku djali vrau me arme babane dhe plagosi rende nenen.
Një ngjarje e rëndë ka ndodhur mesditën e sotme në Tiranë ndërsa raportohet për një të vrarë dhe një të plagosur.
Mësohet se një çift ka rënë pre e dhunës së djalit të tyre 21-vjeçar, ç’ka ka degjeneruar në vrasje.
Burime nga Kamza thonë se një djalë ka vrarë babanë e tij ndërsa ka plagosur rëndë të ëmën.
Autori është Merald Metallari dhe mendohet të ketë përdorur armën e të atit 62-vjeçar, që punonte në polici.
21-vjeçari është arrestuar teksa po transportonte të ëmën N.M, 47-vjeçare në spital.
Njoftimi i policisë:
Më datë 24.07.2017, rreth orës 11:20, në numrin e Emergjencave 112, ka ardhur një telefonatë për të shtëna me armë zjarri në Bathore. Në vendngjarje kanë mbërritur shërbimet e policisë dhe ambulanca.
Nga verifikimet paraprake ka rezultuar dyshohet se Mirald Metallari, 21 vjeç ka marrë armën e shërbimit të të atit, ka qëlluar mbi të dy prindërit, ku si pasojë ka mbetur i vrarë i ati, shtetasi M. M., 62 vjeç, punonjës policie dhe ka plagosur të ëmën, shtetasen N. M., 47 vjeçe cila ndodhet në spital nën kujdesin e mjekëve.
Shtetasi M.M., u kap nga shërbimet e policë gjatë kohës kur po transportonte të ëmën në spital dhe shoqërua në ambientet e policisë për veprime të mëtejshme.
Janë sekuestruar në cilësinë e provës materiale disa gëzhoja dhe një pistoletë e llojit TT Model 56. Grupi hetimor po vazhdon punën për zbardhjen e shkakut dhe rrethanave të ngjarjes.
/javanews/b.d
