Komuniteti i biznesit ka afat deri të hënën (20 qershor) të paraqesë pranë ministrisë së Financave propozimet për përmirësimin e procedurave tatimore e doganore deri në datën 20 qershor .
Ministri i Financave, Arben Ahmetaj, duke apeluar biznesin të paraqesë propozimet është shprehur se sfida jonë si qeveri është te ndjekim ritmin e rritjes së sipërmarrjes përmes lehtësimit të procedurave dhe krijimit të një klime favorizuese biznesi.
Pas fazës së parë të aksionit kundër informalitetit, tashmë, shprehet ai, kemi kaluar në një fazë të dytë të avancuar dhe patjetër më inteligjente të orientuar drejt thjeshtimit të procedurave tatimore e doganore, uljen e burokracisë dhe përmirësimin e mëtejshëm të klimës së biznesit në vend.
Sipas tij, paketa e re me të cilën po punohet në ministrinë e Financave ka hyrë në një proces të gjerë konsultimi me sipërmarrjen në të gjithë vendin.”Janë mbi 350 propozime të ardhura nga komuniteti i biznesit në vend të cilat janë reflektuar në draft-ligj”, informoi ai.
Ai veçoi disa elementë duke i konsideruar tejet të rëndësishëm siç është e drejta e sipërmarrjes për tu vetëkorrigjuar pa penalitet për një periudhë 5-vjeçare, apo detyrimi i administratës për njoftimin e sipërmarrjes 45 ditë para se të ushtrojë kontroll, etj./a.m.
