Kryeministri Edi Rama ka vizituar sot Tropojën ku ka zhvilluar një sërë takimesh, ku veçohet ai me kryebashkiakun e djathtë.
Rama i kishte bërë ftesë për të qenë pjesë e këtyre takimeve edhe deputetes së djathtë të zonës, Mimoza hajdarmataj, e cila refuzoi. Duke e cilësuar këtë vizitë të Ramës si show të radhës, Hajdarmataj sqaron edhe arsyet e refuzimit:
Ja çfarë shkruan ajo:
“Show i radhës së Ramës në Tropojë”.
Asnjë shpjegim për krizën, mjerimin, familjet e varfëra- asnjë përgjigje për papunësinë, asnjë shpresë për tiu kthyer normalitetit përvec premtimeve dhe mashtrimeve të radhës.
Miq,
Sic e keni ndjekur nga debati i seancës së kaluar, Kryeministri më ftoi të isha me të në Tropojë dhe patjetër që unë do të isha atje, nëse do të shkonte të ulej për të dëgjuar hallet e tropojanëve në mjerim, të papunë dhe të pashpresë.
Por axhenda e kryeministrit të vendit, në vizitën e Tij, në skajin më verilindor dhe më të varfër të vendit ishte;
-takim me mësues,
-inspektim të punimeve të bulevardit,
– takim me strukturat!!!
Zoti Kryeministër!
Ndryshe nga ju, unë nuk jam një deputete turiste.
Unë kur shkoj në Tropojë, nuk shëtis apo bëj xhiro por shkoj të takoj banorët dhe dëgjoj hallet e tyre për punësim, shkollim, shërbim shëndetësor, ekonominë që po rrenohet, largimet masive të të rinjve, shtëpitë e djegura nga mungesa e investimeve në rrjetin elektrik, dëmet e pësuar në bagëtitë e tyre dhe mungesa e dëmshpërblimeve nga qeveria.
Ju keni nevojë për “spektatorë të bindur”, sic ishin mësuesit sot, që dëgjojnë vetëm monologjet tuaja apo kur lëshoni “pa doganë” premtimet dhe mashtrimet e radhës elektorale.
Kështu që unë, si deputete e Partisë Demokratike nuk mund të isha aty, pasi shumë hallexhinjë më presin diku tjeter, të paktën për ti dëgjuar me zemër në dorë dhe për tu përpjekur për ti ndihmuar me sa të mundem.
Nuk e mbajtët fjalën për të takuar dhe biseduar me popullin por shkuat vetëm për show, sot në ditën e Halloween, në Tropojë.
