Deputeti socialist: Rama sillet si patriot, por jo si nacionalist

Deputeti i PS, Lavdrim Krashi tha në një intervistë për Euronews Albania se Edi Rama po sillet si patriot por jo si nacionalist lidhur me Kosovën.

Krashi u shpreh se Rama u quajt hero në 2014 kur bëri deklaratat në mes të Beogradit, gjë që s’e kishte bërë më parë asnjë shqiptar as kosovar, ndërsa sot po quhet tradhtar.

“Në lidhje me Kosovën, nuk shqiptar që nuk e do Kosovën, edhe Edi Rama, se ishte ai që në 2014 që bënte ato deklarata në Beograd që nuk ka guxuar asnjë shqiptar, as i Kosovës.

Në atë kohë e quanin hero. Ai nuk ishte hero atëherë, po as nuk është tradhtar apo anti-Kosovë siç e quajnë sot. Për mendimin tim, Rama sillet si patriot por jo si nacionalist në politikë”, tha Krashi./m.j