Deputeti i PD-së, Tomor Alizoti, që sot nuk ishte as jashtë me Sali Berishën dhe as brenda selisë me Lulzim Bashën, i ftuar në studion e “ABC” shprehu trishtim dhe keqardhje të madhe për situatën ku ndodhet partia më e madhe në opozitë. Të dy i cilëson fajtorë, por për Alizotin, Basha duhet të largohet, ndërsa Berisha të kontribuojë për demokratizimin e partisë.
“PD sot është në një krizë të tmerrshme morale. Cdo demokrat që e ka parë atë skenë sot, është që pas 30 vitesh shikoj policinë në PD. Partia jonë ka thënë se kjo është policia e krimit. Për mua prezenca e policisë në një parti të djathtë, do të thotë se partia ka “vdekur politikisht”. Për cfarë i duhet kryetarit aktual vula dhe godina?
Për cfarë duhet beteja më? Nuk mund të përdorej gaz ndaj vartësve të vet. Kjo parti nuk ka prodhuar asnjë mendim dhe koncept dhe zotëria që është aktual në PD nuk ka fituar asnjë garë. Ku ka të ardhme PD-ja me këto figura. PD sot është në trishtimin më të madh. Opinioni që sot pa këto pamje është shokur.
Kriza zgjidhet me negociata dhe jo, “do rri unë dhe vdiqa”. Një nga themeluesit e kësaj krize është edhe Berisha, këta janë të dy bashkëfajtorë, por asnjë nuk lëshoi pe. Të dy do të luftojnë të marrin sa më shumë demokratë. Shikoj zotërinë aktual që nuk e quaj as kryetar, është jashtë cdo lloj sfere, jashtë cdo koncepti politik.
Roja i selisë iku që të mos përfshihej në këtë turp. PD ka nevojë për dinjitet dhe alternativë. Berisha që kam dashur dhe dua duhet të kontribuojë për demokratizimin. Bashën nuk e kuptoj çfarë vazhdon dhe bën më aty.
Berisha dhe Basha janë pjesë e problemit, duhet të zgjidhin krizën urgjentisht. Ky akt e fundosi Bashën sot përfundimisht në sytë e mi” tha ai.
Ti nuke ke sy,e provon edhe nr absurd i gjyslykve qe ti mbane,ju ishit ata qe votuat lulzim bashen.Ty nuk te vihet faje mbasi me fjalte tuaj qe thu,ti i je i pa zoti te dallosh te bardhen me te zezen prandaj kemi arritur deri ktu ne kete gjendje te mjeruar nga plehra me emrin deputet e qeveritare.Tuerpe te keni ju te gjithe pa perjashtim,qe mbani emrin politikan te,te gjitha partive qe jeni sote,mertoni pushkatimin ne emer te popullit,e para poullt shqiptare.Atehere do shpetonte populli e Kombi jone,trupat tuaj barbare te jene ushqim per krokodilte