Gazetari Artan Hoxha, i ftuar sot në studion e “News 24” ka lëshuar një bombë të vërtetë. Duke folur për raportin e fundit të Policisë Italiane lidhur me drogën në Shqipëri, Hoxha ka thënë se informatori i tij për kanabisin është ekzekutuar me plumb pas koke.
Sipas Hoxhës, dy muaj pas një investigimi që ai dhe stafi i tij ka bërë mbi parcelat e drogës në jug të vendit, ai është kërcënuar nga persona të ndryshëm të lidhur me drogën.
Por ajo që e bën më të rëndë situatën është se vetëm dy muaj pas këtyre kërcënimeve, informatori i cili i ka vënë në dijeni për këto parcela, është rrëmbyer në orën 23.00 të mbrëmjes dhe është ekzekutuar me një plumb në kokë, ku trupi i tij është hedhur në anë të rrugës.
Vetë Hoxha tha në News 24 se nuk do të japë emra, por do flasë në shtator.
