Anëtari i Këshillit Kombëtar, Arben Ristani dhe juristi Plarent Ndreca patën një debat në emisionin “Opinion” në Tv Klan. Shkak u bë deklarata e Ristanit që u duk më shumë si një thumb sepse u shpreh “këta hajdutë që vijnë, kakarisin dhe në këto studio”, diçka që vijoi ta përsëriste.
Arben Ristani: Ka deklarata të përsëritura të zotit Berisha që nuk do cenojmë rregullat e sigurisë dhe perimetrin e sigurisë. Ajo që është e rëndësishme është që partnerët tanë të kuptojnë që këta hajdutë që vijnë, kakarisin dhe në këto studio…
Blendi Fevziu: Kush është ai që kakaris?
Arben Ristani: Këta hajdutë që janë në qeveri. Këta hajdutë që vjedhin përditë shqiptarët, këta hajdutë që detyrojnë shqiptarët të largohen përditë nga Shqipëria, që po shpopullojnë Shqipërinë. Këta hajdutë që vjedhin Shqipërinë përditë duhet të jenë lakuriq para partnerëve ndërkombëtarë.
Plarent Ndreca: Ristan, do shkosh në gjykatë, se s’kam nerva të të çoj dhe ty në gjyq.
Arben Ristani: Edhe këta që vijnë dhe kakarisin këtu…
Plarent Ndreca: Ça pate mo?
Blendi Fevziu: Kush?
Arben Ristani: Të gjithë këta që kakarisin edhe në mbrojtje të hajdutëve…
Plarent Ndreca: Ki kujdes ore se do hash ndonjë gjobë.
Arben Ristani: Do të ta përsëris edhe njëherë?
Plarent Ndreca: Avash Ristan, kujdes se je dhe avokat dhe jurist dhe nuk të shkon.
Arben Ristani: Do të ta përsëris edhe njëherë? Pikërisht se jam jurist po ta përsëris.
Plarent Ndreca: Kush të shkruajti mor burrë? Ç’të ka ardhur në mesazh?
/a.r
