Duket si një luftë totale mes tre kandidatëve kryesorë republiknë Trump, Kruz dhe Rubio. Në debatin e mbrëmshën në Fox News, dy kandidatët me prejardhje latine Kruz dhe Rubio, i janë kundërvënë ashpër Donald Trump. Në qendër kanë qenë propozimet e tij, investimet e dështuara dhe rrezikshmëria e një kandidature që nga shumë anë shihet si e “pa kualifikuar” për në Shtëpinë e Bardhë.
Trump nga ana e tij ka vijuar të ironizojë kundështarët, aq sa në një moment debati ka degjeneruar në banalitet, kur janë përmendur “pjesët intime”. Trump ka thënë se Rubio përmend duart e tij të vogla, duke nënkutuar diçka tjetër. “E siguroj se pjesët e tjera nuk janë të vogla”, ka thënë miliarderi, mes ilaritetit të përgjithshëm.
