De Niro planifikon të ndërtojë një hotel në Londër. Aktori i njohur amerikan Robert de Niro ka në plan të hapë një hotel luksoz në Londër, njoftoi vetë aktori i famshëm në rrjetet sociale.
Nëse i miratohet leja e ndërtimit, De Niro do të ndërtojë hotel, që e quan “Wellington” me kapacitet prej 83 dhomash, qendër spa dhe dy restorante, referuar BETA-s.
“Londra është një nga qytetet më emocionuese në botë dhe është logjike që në zemër të një vendi të këtillë të ndërtohet një hotel”, ka shtuar aktori 72-vjeçar, fitues i dyfishtë i Oskar për filmin “The Godfather 2” dhe “Raging Bull”.
De Niro tha se nëse gjithçka shkon sipas planit, hoteli mund të përfundojë deri në fund të 2019. (b.an)