Ministri i Jashtëm i Serbisë, Ivica Daçiq, në një intervistë të dhënë për Deutsche Welle, ka folur rreth çështjes së diskutuar gjatë – padisë për krimet që Serbia ka bërë gjatë luftës në Kosovë.
Sipas Daçiç, shpesh herë është thënë që Kosova do ta padisë Serbinë, por diçka e tillë nuk mund të ndodhë për një arsye, ai madje ka thënë se Serbia jo rrallë herë është përballur me padi të tilla.
‘’Padi ndaj nesh kishte ngritur Kroacia pastaj edhe Bosnja, por ju e dini se Hashim Thaçi ka njoftuar se edhe Kosova do të padisë Serbinë, edhe pse unë nuk e di se ku Kosova mund të padisë Serbinë. Kjo sepse Kosova nuk është një shtet që është njohur nga Kombet e Bashkuara’’, ka thënë Daçiç.
Ai ka shtuar se Kosova nuk mund të padisë Serbinë për krime të luftës pasi është pamundur të paraqiten faktet para Gjykatës Ndërkombëtare të Drejtësisë.
‘’Kjo është e pamundur për t’u bërë para Gjykatës Ndërkombëtare të Drejtësisë’’, ka thënë Daçiq rreth çështjes së padisë, përcjell Klan Kosova./a.m.
