Çifti që deri më tani kishte vjedhur 10 makina me pultin “çudibërës” në kryeqytet është liruar nga gjykata e Tiranës, me masën e sigurisë detyrim paraqitje. Deivis Muka dhe Matilda Mertini, të akuzuar për vjedhje makinash kanë marrë dy vendime të shkurtuara këtë të dielë.
Deivis Muka, teksa po jepte gjeneralitetet sot në gjykatën e Tiranës tha ndër të tjera se i ati punonte drejtor në Ministrinë e Bujqësisë.
Pak ditë më parë, Policia e Tiranës ka arrestuar çiftin që vidhnin makinat nëpërmjet bllokimit të mbylljes së mjeteve me pult, pa u dashur që të thyejnë xhamin.
