Një fotografi e presidentit të Shteteve të Bashkuara të Amerikës, Joe Biden, e cila u pasqyrua në media gjatë udhëtimit të tij në Çikago, ra si një bombë në vend. Plaga në fytyrën e 80-vjeçarit shkaktoi spekulime për shëndetin e tij.
Për këtë reagoi edhe zëdhënësi i Shtëpisë së Bardhë, Andrew Bates, i cili njoftoi se Biden ka një histori të apnesë së gjumit dhe se ai ka fjetur me një pajisje CPAP një natë para se të bëhej fotografia.
Çfarë është pajisja CPAP?
Aparati vendoset te pacientët me apnea obstruktive të gjumit, për të kapërcyer pengesat në rrugët e frymëmarrjes, për të lehtësuar frymëmarrjen dhe për të stimuluar frymëmarrjen normale.
CPAP është një makinë që dërgon ajrin në rrugët e hundës vazhdimisht dhe me presione të larta, duke ndihmuar në një gjumë normal.
