Prejardhja e balerinës Edlira Athanas është një ndërthurje e bukur historish. Prindërit e saj, Xhoni Athanas dhe Sekine Sharofi ishin të dy artistë, një tenor dhe një prima balerina që u njohën në Teatrin e Operas dhe Baletit.
Historia bëhet më interesante me origjinën e prindërve të cilët i bashkonte arti, por ndërkohë besimet e tyre ishin të ndryshme e megjithatë nuk e pengoi dot dashurinë.
Edlira shprehet për “Rudina” se feja është e rëndësishme për të si një trashëgimi familjare e cila po e shoqëron edhe në jetën e saj në SHBA.
Edlira Athanas: Dua të vazhdoj edhe origjinën që kam të lidhjes fetare. Nuk dua të lëmë pas lidhjes fetare me gjyshin tim që është ortodoks, gjyshin tjetër që është mysliman.
Rudina Magjistari: Një kombinim siç ndodh në familjet shqiptare gjithmonë.
Edlira Athanas: Gjyshi tjetër, Haki Sharofi ka qenë drejtor i medresesë dhe atëherë buja e madhe e bashkimit të mamasë dhe babait tim janë pikërisht… djali i priftit u martua me vajzën, nuk mund të quhej hoxhë por ishte drejtor i medresesë ku dilnin hoxhallarët nga shkolla dhe kjo ishte buja më e madhe.
Rudina Magjistari: Dhe kjo në vitet 1960…
Edlira Athanas: 1960 kur akoma këto bashkime nuk ishin të pranueshme midis fesë por për këtë jam gjithashtu shumë krenare që i kam të dyja brenda./m.j
