Komisionin Parlamentar për të monitoruar çështjen “Tahiri” filloi punimet sot mes diskutimesh të forta “mazhorancë-opozitë”.
Deputeti socialist, Pjerin Ndreu, teksa ka komentuar këtë situatë, paralajmëron ish-kryeministrin Sali Berisha se do të jetë edhe ai objekt hetimi në këtë Komision.
Ndreu solli në vëmendje ish-kryeministrin Sali Berisha, kur tha se ai vendosi politikisht të mos ndërhyhej në asnjë rrënjë kanabisi në Lazarat.
“Ne do ta marrim fenomenin që kur ka lindur, edhe rastet kur janë implikuar zyrtarë të policisë.
Do hetojmë fenomenin, që ka një datë kur fillon, kur shfaqet. Mazhoranca ka pranuar të përfshihet dhe çështja Tahiri, por në qëndrime të ndryshme të këtij fenomeni edhe ne kemi të drejtë të evidentojmë kushtet dhe rrethanat që kryeministri i asaj kohe ka vendosur politikisht të mos ndërhyhet qoftë dhe në një rrënjë kanabis.
Do të hedhim dritë edhe mbi këto fenomene”, deklaroi Ndreu në Report Tv.
a.ç
