Është zhvilluar në ambjentet e Drejtorisë së Përgjitshme të Policisë së Shtetit prezantimi i drejtorit të ri, të emëruar më herët gjatë ditës së sotme.
Vetë Minsitri i Brendshëm Fatmir Xhafaj ishte i pranishëm për rpezantimi ne drejtorit të ri Ardi Veliu. Ky i fundit mbajti një fjalë rasti ku prezantoi objektivat e tij në krye të policisë.
“Në emër të gjithë policive të rënë, në nderin tim personal, betohem për të mbajtur me nder flamurin e policisë së shtetit” – qe zotimi i Veliut.
“Kjo është një ditë shumë e veçantë për mua. Çdo oficer policie e ëndërron këtë ditë. Nuk dua ta fsheh e kam menduar edhe unë, e shoh si sfidën e jetës sime. Përgjegjësia ndaj qytetarëve të Shqipërisë, besimin e qeverisë shqiptare ndaj meje, më angazhon mua të jap maksimumin tim për ta përmbushur me sukses këtë mision. Jam i ndërgjegjshëm që policia është institucioni më i besuar në Shqipëri. Do realizojmë të gjitha objektivat e vëna nga qeveria shqiptare, për përmirësimin e cilësisë së sigurisë. Policia ka nevojë për një ritëm të ri, më dinamik. Në polici nuk mungojnë njerëzit e duhur dhe profesionistë. Ka nëvojë për ristrukturim të efektshëm si në nivel qendëror edhe në atë vendor. Policia e Shtetit sot ka nevojë për një menaxhim më eficent të burimeve njerëzore. Monitorimi i punonjësve të policisë dhe përmirësimi i kushteve të punës do të jenë elementët kryesore në vazhdim”, tha mes të tjerash Veliu./a.m
