Sot nisi viti i ri shkollor për 392 mijë nxënës të arsimit parauniversitar, ku rreth 27 mijë vogëlushë do të nisin klasën e parë.
Për vitin e ri shkollor janë rikonstruktuar 126 shkolla dhe 155 mijë nxënës do të mësojnë me tekste të reja të unifikuara me sistemet arsimore europiane.
Gjimnazistët që nisin klasën e dhjetë do të fillojnë me kurrikulën e re, që lehtëson ngarkesën nga 18 në 13 lëndë mësimore dhe rivendos gjuhën shqipe dhe unifikon lëndët e detyrueshme deri në klasën e 11. Ministrja Nikolla ka përcjellë urimet me rastin e nisjes së vitit të ri shkollor për nxënësit, fëmijët me nevoja të veçanta dhe mësuesit.
Me prioritet, tha Ministrja, do të shihen fëmijët me nevoja të veçanta dhe mësuesit që japin mësim në shkollat në zonat e thella rurale./a.m.
