Autoritetet e Republikës së Çekisë kanë njohur Jerusalemin si kryeqytet të Izraelit, por njëherësh kanë njohur edhe si kryeqytet të shtetit të ardhshëm palestinez, raporton AA.
“Republika e Çekisë edhe para arritjes së marrëveshjes paqësore mes Izraelit dhe Palestinës njohu Jerusalemin kryeqytet të Izraelit në kufijtë e vitit 1967”, deklaroi Ministria e Punëve të Jashtme e këtij vendi.
Ndonëse në njoftim theksohet se Çekia njeh Jerusalemin si kryeqytet të shtetit të ardhshëm palestinez, ky qëndrim i Pragës zyrtare është në kundërshtim me institucionet zyrtare të Bashkimit Evropian.
Hapi i autoriteteve çeke vijon pas vendimit kundërthënës të SHBA-ve për të njohur Jerusalemin kryeqytet të Izraelit. Bashkimi Evropian më parë shprehu shqetësimin se ky hap i Washingtonit mund të rrezikojë proceset paqësore në Lindjen e Mesme. (b.an)
