Presidenti i Republikës, Ilir Meta, njofton se ka dekretuar ndryshimet në Kodin Penal, duke i vlerësuar ato si të nevojshme në këtë kohë të fatkeqësisë natyrore.
Në një komunikim live nga Presidenca, Kreu i Shtetit deklaroi se mbështet nismën e qeverisë për ndryshime në Kodin Penal, që parashikon dënime me burg për të gjithë ata që kryejnë me dashje veprime duke përhapur koronavirusin.
“Ju përgjigja kërkesës së Kuvendit për ndryshimet në Kodin Penal, duke i dekretuar, pasi janë të nevojshme. Nisur nga zhvillimet, nga gjendja e fatkeqësisë, por mbi të gjitha për shkak të boshllëkut ligjor që ka Kodi Penal, sa i takon veprimeve që kryhen me dashje, Presidenti vlerëson se iniciativa e Kuvendit dhe qeverisë, që mbrojtja e shëndetit të garantohet edhe nga norma penale, duhet mbështetur. Presidenti konstaton se mes draftit të prezantuar fillimisht nga deputetët dhe përmbajtjes finale ka shumë ndryshime thelbësore pozitive, që kanë reflektuar një pjesë të sugjerimeve të shoqërisë civile, avokatit të popullit dhe Presidentit”, tha Meta.
Presidenti më tej u shpreh se tashmë ndryshimet në Kodin Penal janë në përputhje me ligjet dhe Kushtetututën dhe ruhet parimi i propocionalitetit.
g.kosovari
Jemi shum dakord me masat qe po mirrni,te viret si ligj qe te gjith te perdorim maska edhe doreza ,per maska tani ka sa te duash se I bejme vet ,shitsit neper lagje nuk perdorim as doreza as maska ku keta jen te detyruar to mbajn ,se dyqane ven nga te gjitha moshat , faleminderit