Shqipëria është në prag të ngjitjes së një shkalle kyçe të integrimit në Bashkimin Europian. Komisioni Europian pritet të hapë dritën jeshile për negociatat e anëtarësimit të vendit në Bashkimin Europian të martën më 17 Prill.
Rekomandimi për hapjen e negociatave të Shqipërisë pritet të jepet pa kushte, duke vendosur theksin te progresi i kryer në fillimin e procesit të Vettingut, si pikë kyçe për Reformën në Drejtësi, por edhe aksionet në rritje të qeverisë shqiptare kundër trafikut të drogës, si një problem specifik i Shqipërisë në luftën kundër krimit të organizuar.
Përfaqësuesja e lartë e Politikës së Jashtme dhe të Sigurisë së Bashkimit Europian, Federica Mogherini do të udhëtojë drejt Ballkanit për të komunikuar lajmin e mirë së pari në Shqipëri, për të vijuar më pas në Maqedoni, Serbi dhe Mal të Zi.
Tv Klan
