Dy persona u arrestuan si të dyshuar për sulmet në Bruksel, ndërkohë që hetuesit thonë se janë pesë gjithsej në kërkim si të dyshuar për terrorin.
Ata janë kapur nga kamerat e sigurisë në zonat ku ndodhën shpërthimet, kamera të cilat u sekuestruan fill pas ngjarjeve në kuadër të hetimeve.
Eksperti i antiterrorizmit, Claude Moniquet, në një intervistë direkte nga kryeqyteti belg ka thënë se ‘të dyshuarit janë pikasur nga pamjet filmike të kamerave të sigurisë.
Ndërkohë policia po vazhdon monitorimin në aeroporta, pasi ka dyshime se jo të gjithë atentatorët kanë mundur të dalin. Në kontroll për shkak të situatës tejet alarmante janë vënë edhe centralet nukleare.
