Gjykata e Hagës do të japë të enjten më 24 mars, aktgjykimin e shkallës së parë kundër ish-Presidentit të Republikës Srpska, komandantit suprem të ushtrisë së saj, Radovan Karaxhiç, thote Beta.
Karaxhiç (70 vjec), i cili ishte udhëheqës i Partisë Demokratike Serbe, është ngarkuar me dy akuza genocidi në Srebrenicë dhe shtatë komuna të tjera boshnjake, për aktet gjatë luftës në Bosnjë, 1992-95.
Në nëntë akuzat, verdikti e akuzon atë për persekutim, shfarosje, vrasje, deportim, akte çnjerëzore, terror kundër popullsisë civile, sulme të paligjshme mbi civilët dhe marrje peng të ndërkombëtareve. Këto vepra penale janë kualifikuar si krime kundër njerëzimit dhe shkelje të ligjeve ose zakoneve të luftës.
Akuzat kundër Karaxhiç fokusohen në persekutimin e myslimanëve dhe kroatëve në gjithë Bosnje dhe Hercegovinën në 1992-95, si edhe në shtatë komuna; Fushatën e granatimeve dhe snajperëve për të terrorizuar popullsinë e Sarajevës gjatë luftës në Bosnje; marrjen peng të UNPROFOR t në maj dhe qershor të vitit 1995, dhe gjenocidin në Srebrenicë në korrik të vitit 1995.
Aktgjykimi ndaj Karaxhiç kumtohet nga Dhoma Gjyqësore kryesuar nga Këon O-gon nga Koreja e Jugut. Anëtarë janë gjyqtarë Hoëard Morrison nga Britania e Madhe dhe Melville Baird nga Trinidad. Në mbylljen e argumenteve, në tetor të vitit 2014, prokurorët e kanë gjetur fajtor në të gjitha pikat e aktakuzës dhe kërkuan dënimin me burg të përjetshëm. Argumentet përmbyllëse u mbajt nga 29 shtator deri më 7 tetor 2014.
Gjatë procedurës së provave, e cila filloi më 10 prill 2010, prokurorët para gjyqtarëve nxorrën një total prej 195 dëshmitarëve, ndërsa shumë dëshmi të tjera në prova janë paraqitur me shkrim. Numri i përgjithshëm i dëshmitarëve të prokurorisë ishte 497, sipas të dhënave zyrtare të Tribunalit. Në mbrojtje Karaxhiç, është dhënë dëshmia e 248 dëshmitarëve. Aktakuza e parë kundër Karaxhiçit për gjenocid në Srebrenicë, u ngrit që në fund të korrikut 1995. Karaxhiç, megjithatë, ishte në liri deri më 21 korrik 2008, kur ai u arrestua nga autoritetet në Beograd, Serbi. Ai u ekstradua në Hagë më 30 korrik të atij viti, kurse në paraqitjen e tij të parë para gjykatës nuk pranoi të dëshmojë.
