Në faqen e internetit të Parlamentit britanik është shfaqur një peticion për t’i ndaluar hyrjen miliarderit amerikan Donald Trump në Britani të Madhe, pas deklaratave të tij kundër myslimanëve dhe ekzistencës së zonave radikale në Londër dhe Paris dhe ka mbledhur 64 000 firma vetëm të mërkurën në mëngjes.
“Nënshkruesit vlerësojnë se Donald J. Trump duhet të ndalohet të hyjë në Britani të Madhe”, sipas tekstit të peticionit që filloi dje në mesditë.
Nëse arrihen 100 000 firma, ky tekst mund të debatohet në Westminster (Parlamenti britanik).
Propozimet e bëra të martën nga kandidati i Shtëpisë së Bardhë, ku kërkonte të bllokonte hyrjen e myslimanëve në SHBA, u dënuan nga gjithë bota. Madje ai ngjalli polemika edhe me deklaratat mbi Parisin dhe Londrën.
