Pas lidhjes me Arsenalin, Rodgers thotë se nuk ngutet për t’u kthyer në Ligën Premier. Brendan Rodgers vazhdon të përmendet si njëri prej kandidatëve për ta zëvendësuar Arsene Ëengerin te Arsenali, mirëpo trajneri i Celticut nuk po ngutet për t’u kthyer në Ligën Premier.
Irlandezi ka punuar në të kaluarën në kampionatin anglez te klube, si Sëansea dhe Liverpooli, ndërsa në sezonin 2013/2015 për pak sa nuk e fitoi titullin me Redsat. Aktualisht, ai është duke punuar në Skoci, ku është duke e drejtuar Celticun që nga viti 2016.
“Nëse je i lumtur, vetëm kjo ka rëndësi. Paratë jo gjithmonë kanë rëndësi. Mund të kesh X para në bankë çdo muaj, por nëse nuk je i lumtur dhe nëse nuk e gjen paqen në atë që bën, nuk kanë rëndësi”.
“Më pëlqen Liga Premier, cilësia e lojtarëve, cilësia e trajnerëve. Ka sfida të mëdha… Mirëpo, unë dua të punoj me njerëz të shkëlqyer që kanë vizion për skuadrën dhe klubin, ndërsa këtë gjë e kam këtu. Nuk po ngutem për të shkuar askund”.
“Celticu është një prej klubeve më të mëdha në botë. Këtu ka një presion që është ndryshe. Duhet ta fitosh secilën ndeshje. Asnjë klub në Angli nuk e ka këtë presion. Mund të shkosh në Old Trafford si trajner i Liverpoolit dhe të arrish barazim, ndërsa ky nuk do të ishte rezultat i keq”.“Te Celticu pritshmëritë janë të mëdha që të fitosh edhe si vendas edhe si mysafir”, ka deklaruar Rodgers për Daily Mail.
Në ndërkohë raportohet se ish-trajneri i Borussia Dortmundit, Thomas Tuchel, është favorit për t’u angazhuar si trajner i Arsenalit, përgatiti ”Telegrafi”. (b.an)
