Një ish-ministër i presidentëve brazilianë, Luiz Inacio Lula da Silva dhe Dilma Rousseff, Antonio Palocci u dënua sot me 12 vite burg për korrupsion në kuadër të hetimit për skandalin ”Petrobras”, bëhet e ditur nga burime gjyqësore.
Antonio Palocci, ministër i Financave i Lulas nga viti 2003 deri në 2006 dhe shef i kabinetit të Dilma Rousseff në 2011, ishte një nga personalitetet më me ndikim në partinë e Punëtorëve (PT, e majta).
Ai u arrestua në kuadër të operacionit “Pastrimi ekspres”, hetim i shtrirë në kohë që zbuloi skandalin gjigant të korrupsionit duke mundësuar përvetësimin e më shumë se dy miliardë dollarë nga kompania shtetërore e naftës “Petrobras”.
Lula gjithashtu është i shënjestruar në disa pika të këtij hetimi./b.d
