Një 30-vjeçare është shpallur në kërkim ditën e sotme në Elbasan, pasi ka braktisur fëmijën e saj të mitur, që e kishte nën kujdestari me urdhër të Gjykatës.
Policia ka njoftuar se shtetasja me iniciale B.M është kallëzuar nga ish-bashkëshorti i saj se kishte lënë pas fëmijën, kujdestarinë e të cilit ja kishte lënë Gjykata pas divorcit. Specialistët e Hetimit po punojnë për gjetjen dhe arrestimin e saj, pasi mbi të rëndon akuza për veprën penale “Braktisje e fëmijëve të mitur”.
Njoftimi i policisë:
nga specialistët për Hetimin e Krimit të Komisariatit të Policisë Elbasan po punohet për kapjen e shtetases B. M., 30 vjeç, banuese në Elbasan, për veprën penale “Braktisja e fëmijëve të mitur”, pasi ish-bashkëshorti i saj, shtetasi L. K., ka bërë kallëzim se 30-vjeçarja ka braktisur fëmijën e mitur, të cilin Gjykata ia ka lënë asaj në kujdestari./m.j
