Presidenti i Kosovës, Hashim Thaçi, jep një mesazh ngushëllimi për ndarjen nga jeta të shkrimtarit Moikom Zeqo. Thaçi shkruan në “Facebook” se Moikom Zeqo ka lënë gjurmë të pashlyera në kulturën shqiptare.
Më tej, Kreu i Shtetit Kosovar thekson se shkrimtari Zeqo ishte edhe një përkrahës i fuqishëm i çështjes së Kosovës, veçanërisht mbështetës i Ushtrisë Çlirimtare të Kosovës.
Mesazhi i Thaçit:
Me pikëllim mora lajmin për vdekjen e shkrimtarit erudit Moikom Zeqo. Me dijet e shumta nga fusha e letërsisë, historisë dhe shkencave humane, Moikom Zeqo ka lënë gjurmë të pashlyera në kulturën shqiptare.
Moikom Zeqo ishte përkrahës i fuqishëm i çështjes së Kosovës, veçanërisht mbështetës i Ushtrisë Çlirimtare të Kosovës qysh në ditët e para të veprimit të saj.
Bota shqiptare me vdekjen e tij humbi një kolos të mendimit dhe dijes enciklopedike. Ngushëllimet më të sinqerta familjes së Moikomit dhe gjithë miqve të tij. HTH
